Colombia, January 29, 2026: Wednesday te, ekta chutu palne gere she koi she, Norte de Santander province laga rural jaga phane, northeast Colombia te. Etu accident te 15 manu ke morai de she, tai khan utu plane te buhe kena thake she koi she. Aro etu murea khan laga betor te ek jun toh Congress laga member thake she koi she.
Satena, airline kunto flight toh sai thake she, tai khan para koi she ki, Curasica laga community laga local officials khan para authorities khan ke khobor de she koi she, plane toh kute gerea laga khobor toh, aro bacha bole laga team pathai she koi she.
Colombia laga transportation Ministry para ekta statement release kure she, etu statement te koi she ki, plane toh gere kena pa piche te, authorities khan para confirm kure she ki manu kumbe bache nai.
Plane laga registration number toh HK4709, plane toh 11:42 am te para ure she Cucuta laga airport para, etu plane toh Ocana te jabo le thake she. Officials khan para etia be kina plane toh gere she etu laga khobor toh denia.
Add Comment