Ekta Prompt Humanitarian Response Dishey Assam Rifles Para Jaan Aru Property Bachaishey, Soil Colony, Shamator District, Nagaland Tey

February 22, 2026: Ekta prompt humanitarian response tey, Assam Rifles para itu civil administration para ekta jui jula ke namai diya tey modod kurishey, kuntu toh hoiley Soil Colony, Shamator tey hoa laga thakishey. Itu ghatna toh hoiley, bishi alarming kuri dishey, tatey laga manu khan ke, kiley koiley jui toh hoiley bishi rapid para spread hoi thakishey, residential area through para, ekta bishi danger jhamela banai di kena, manu khan laga life khan nimitey, osor laga ghor khan aru civilian property khan nimitey bhi. Itu ghatna hoa laga khobor pawa saath saath , ekta Quick Reaction Team toh fire-extinguisher equipment bukhi kena itu jaga tey punchi jaishey, ekta water browser bhi loi kena. Itu troop khan para phat para firefight kuria measure khan initiate kurishey aru osor para coordinate kurishey, local authority khan aru tatey laga manu khan logotey, itu dangor jui laga toh komti kuriboley. Itu bishi diri para juli thaka jui ke fight kuria effort thaki kena, Assam Rifles khan para aru pani laga supply thaki kena, itu browser para, bishi crucial prove kurishey, itu situation toh under control tey ana tey aru itu jui aru bhi dangor-dangor hoi kena jawa toh rukhai di kena. Itu thik homoi tey intervene kuria para aru itu Assam Rifles personnel khan para sustained effort diya para, itu jui toh successful para control kuri loboley parishey, itu aru-bhi dangor hoboley tey para bachai di kena. Tai khan laga disciplined, courageous, aru professional response para damage bishi hoboley thaka ke komti kuri dishey aru tatey laga manu khan laga safety ensure kurishey, itu affect hoi kena thaka area tey.