Lucknow, January 31, 2026: Ekta 60 sal retired Indian Air Force personnel ke gule mare de she, Sushant Gold City laga shopping complex te para, police khan enia koi she Saturday te.
Dua jun manu para hamla kure she koi she. DCP Nipun Agarwal para koi she ki, etu hamla toh 10:15 pm phane hoi she Friday te, Ansal Sushant Golf City laga Shopping Square- 2 te. Police khan etu khobor toh manu para 112 dial kurea piche jane she koi she.
Avadhesh Kumar Pathak, kun Sant Kabir Nagar district te thaea manu ase, hoile be etia Lucknow te buhea ase, tai ekta dukan cholai thake she Shopping square- 1 te, dukan laga nam toh ‘Rasoi By Maa’ thake she koi she.
Mr. Pathak toh tai laga dukan para saman kumba othai kena tai laga gare te halea homoi, dua jun manu para gule mare tai laga opor te, ekta gule toh tai laga suku laga opor te lage she koi she. Tai ke juldi Medanta Hospital te loi jai she, etia tai ateh treatment pa ase koi she. Doctor khan para koi she ki tai laga halat toh etia stable ase. Ekta FIR register kure de she tai laga maiki para, Sushant Golf City Police station te.
CCTV video khan etia sa ase koi she. DCP para eight special police teams etu case sabole dea ase koi she.
Add Comment