National

Ekta senior J&K officer aru duita civilian Pakistan shelling karone murise

10 months ago

Rajouri, 10 May 2025: Ekta senior Jammu aru Kashmir official aru dujon civilian Saturday din Rajouri te muri she, jitya Pakistan intense artillery firing suru kurise aru India retaliate kuri ratt bhor laga air attack karone.

Rajouri laga Additional District Development Commissioner, Raj Kumar Thapa, critical injury pa karone Saturday bhojor muri jaise, Pakistan laga ekta shell tai laga house te kirise.

Jammu aru Kashmir Chief Minister Omar Abdullah, X te shock aru condolences express kuri, koise ki tai kal he Deputy CM Surinder Kumar Choudhary logot district visit kura pichete ahise, jitya Pakistan India laga bishi jagah, especially UT te target kuri thakise. Tai Chief Minister chair kura online meeting te bhi participant thakise.

“Rajouri para aita bisi dukh laga khobor ahise. Amikhan ekjon dedicated J&K Administration Services officer harai dise. Kal he tai Deputy CM logot district te thakise aru moi chair kura online meeting te join kurise. Aji Pakistan shelling tai laga residence te kirise, jitya Rajouri town ke target kurise, aru amikhan laga Additional District Development Commissioner Sh Raj Kumar Thappa muri jaise. Moi nijor dukh aru shock express kuribo karone kotha nai. Tai laga atma ke shanti pabi,” Chief Minister laga post te likha ase.

Tai manu khan ke ghor bhitor te thakibo karone appeal kurise. “Misa misi khobor khan ignore kuribi, juntu confirm nahoi etu spread nakuribi. Amikhan eki logot etu situation face koribi,” tai add kurise.

Thappa 1989 batch laga MBBS graduate thakise Jammu Government Medical College para.

Etu bhojor laga tension toh Pakistan para second rati bhi military installations target kuri kena drone attack launch kura pichte suru hoise, juntu India laga north aru west frontier cities khan te hoise.

India “effectively” Pakistan Air Force laga fighter jet khan logot engage kuri ase, jitya Pakistan laga missiles Srinagar target kurise. Officials khan janai dise ke PAF ke bhi loss face kuribo lagise etu engagement te.

Union government ekta detailed briefing dibo attack aru India laga retaliation laga opor te.