Haryana, 12 April 2025: Ekta student try kurise ekta maiki—juntu reportedly tai laga girlfriend ase—tai ke boys hostel room loi jabo karone ekta trolley bag laga bitor hali kena, kintu security staff khan para dhura karone tai fail hoise. Incident to OP Jindal University te hoise, jun tu ekta private university ase Haryana’r Sonipat district te, News18 report koise.
Video te dekha jai security staff ekta trolley bag khuli se, aru ekjon mota bhitor para bahar ahi se. Etiya video tu social media te viral hoi ase.
Video tu reportedly ekjon fellow student he record kurise.
Ki karone university staff bag tu intercept kuribo parise etu clear nahoi, kintu kunba report hissab te maiki to awas kuri se jetiya bag tu ekta bump opor jaise. Maiki tu university te student ase na nai etu bhi confirm nahoi.
University khan etya eku comment kuranai, kintu etu incident tu university security system opor question uthai ase.
Eka side te social media users sob hasi ase etu incident ke loi kena, aru etu desperate attempt ase koi ase. Ekjon user likhi se, “India te private te thakibo karone enika kaam kura to, bishi dehumanising hoise.”
Aru ekjon user reply kurise, “Dude movie laga feeling loi ase—ekta speed bump te pura plan fail. OP Jindal guards ready thakanai, kintu suitcase tu bhi ready thaka nai.”
“Ek minute to apuni snacks sneak kuribo try kuri ase, next minute tu girlfriend suitcase te anibo try kuri ase—pura spy movie laga scene!” ekjon user likhi se.
Ekjon user remind kuri se 2022 te Manipal Institute of Technology, Karnataka te ekta incident hoise. Student ekjon suitcase para tai laga girlfriend anibo try kuri se, kintu hostel caretaker suspicious para dhurii se.
Video share kura likhi se, “Etu Manipal case laga yad delai. Manipal Institute of Technology, Karnataka te ekjon student tai laga girlfriend suitcase te hostel te anibo try kura. Kintu hostel caretaker suspicious hoise jetiya suitcase tu bulky dekhi she aru dhuri se.”
Add Comment