Agencies, 29 October: Sunday din El Salvador jaga deh 6.1 magnitude mathi hela thakise, hoilebe eku beya korideya nai. US Geological Survey pora mathi laga pethor deh 24 kilometres mathi-helise koise. Southwesr Salvadoran coastal jaga deh epicentre toh 93.4 kilometres thakise. Salvadoran Red Cross laga Carlos Lopez Mendoza pora hatsa howah jaga deh official khan check koribole jaise. Hoilebe eku dekthari howah powah nai koise. Tai pora manu khan mora nahoi jokhom khaa aro saman khan eku beya howah nai koise. West capital pora 10 km dur Santa Tecla jaga deh thaga manu Pedro Escamilla pora mathi hela toh eman katharnaak thaga nai koise.
EL Salvador jaga deh 6.1 magnitude mathi helise
Add Comment