Elderly US Couple ghor dey murina paishey, Heater toh 537 Degree Celsius dey thakishey

US, 11 January : Elderly couple taikhan laga ghor dey murina paishey kitia room heater toh 1,000 degrees Fahrenheit (537 degrees Celsius) upar pahunjishey. Joan Littlejohn, 84, aro Glennwood Fowler, 82 laga itu laash toh Saturday dey paishey kitia police khan South Carolina dey taikhan laga ghor dey ghusishey,  People Magazine hisab dey. Ekta police report cite kurishey, itu outlet agey kuishey ki itu couple laga khantan manu khan, kun taikhan ke January 3 para luina dikhianai, police ke madishe taikhan ke ekbar sawoley Spartanburg ghor dey.

Itu police officers khan itu ghor pitor dey ekta khula window para ghusishey aro notice kurishey ki itu ghor toh bishi gorom thakishey.

Mr Fowler aro tai laga maiki toh taikhan laga bedroom pitor dey murina thakia paishey, People kuishey police ke quote kurina.

Ekta  New York Post report kuishey ki paramedics khan kun taikhan laga body temperatures sawoley kosis kurishey, jani paishey ki itu toh measurable index upar thakishey- 98.6 degrees Celsius upar, bishi adults laga standard body temperature.

Firefighters khan ke madishey aro taikhan agey dey phabna kurishey ki itu heater toh jui ulaina thakishey.

Taikhan para itu laga temperature measure kurishey aro itu toh approximately 1,000 degrees Fahrenheit (537 degrees Celsius) thakishey bondh nahua agey dey, police kuishey.

Itu couple laga khantan manu khan taikhan laga ghor dey jaishey, Ms Littlejohn aro Mr Fowler para complain kuria piche dey ki taikhan laga furnace aro gorom pani laga heater toh kaam kuri thakianai. Itu khantan manu khan taikhan laga ghor Wednesday dey ahishey aro heater logot fiddle kurishey itu dey light nakhulia tak.

Itu khantan khan itu piche dey ghor charina jaishey aro itu couple ke contact kurianai, the Post report kuishey police ke quote kurina.

Coroner laga office para ekta autopsy lui asey itu couple muria laga exact karaan determine kuriboley. Eku foul play kuria shaak nai.

Firefighters para carbon dioxide levels bhi saishey itu ghor dey aro itu toh normal laga upar thakia painai, police kuishey.