Saturday din Election Commission of India (EC) para data ola hesab deh, April 29, 2019 deh fourth phase Lok Sabha elections lowah time deh total voter ahha toh 65.51 per cent ase. 2014 laga voting percentage deh saijaile etu par 2.46 percent othishe. 2014 Lok Sabha laga fourth phase voting deh total voter khan ahha toh 63.05 percent thakishe.
First, second aro third phases Lok Sabha polls toh April 11, 18 aro 23 deh loishe aro etu time deh voter khan ahha toh 69.5 per cent, 69.44 per cent, aro 68.4 per cent thakishe.
Nine states para total 72 seats deh Jammu and Kashmir laga Anantnag constituency be fourth phase polls lowah thakishe.
Monday din EC para kowah toh, fourth phase Lok Sabha elections deh polling percentage sob para besi 76.44 per cent deh thaga toh West Bengal ase.
West Bengal laga Eight seats toh fourth phase polls lowah thakishe. 2014 Lok Sabha elections time deh, etu seats deh polling percentage toh 83.38 per cent thakishe.
Jammu and Kashmir toh khali 10.5 per cent votes para sobse komti record hoishe. Anantnag seat nemide polling date toh three phases deh lobole fixed kora thakishe. Kulgam district toh fourth phase deh loishe.
Lok Sabha elections toh seven phases deh lobole date fixed korishe. First four phases toh April 11, 18 23 aro 29 direk deh loishe.
Bachi thaga tin-ta phases toh May 6, 12 aro 19 direk deh lobole ase. Vote toh May 23 direk deh poribole (count) ase.
Add Comment