Election Commission para Officers hataishe

Kolkata: Election Commission para Kolkata te 8 constituencies te returning officers hataishe. West Bengal te assembly elections nemite last tuita(2) phase toh April 26 aro 29 darik te election thakiboli ase,  etu khobor toh aji officials para junaishe. Chowringhee, Entally, Bhowanipur, Beliaghata, Jorasanko, Shyampukur, Kashipur-Belgachia aro Kolkata Port assembly nemite notun officials junikena ase koishe. Chief Electoral Officer Ariz Aftab para koishe ke, 8 jun returning officers khan ke transfers kora toh “etu officers toh tai khan laga post te tin(3) saal oper thaka nemite”. Election Commission laga khobor kora manuh para news agency Press Trust of India logot koishe ke, etu officers khan para ruling Trinamool Congress logot motob kori ase koikena complaint powa nemite ase. Kolkata Port assembly constituency toh April 26 darik te vote thibo aro dosura 7 seats nemite election toh April 29 darik te thakibo. “election samai Returning officers khan para besi tangor role kori, etu nemite neum hesab para officers khan ke transfer koriboli olai,” koikena poll panel laga officials para janaishe. Olop din akhe te Election Commission para tinta(3) officials khan ke hataikena ase, etu oper te Ballygunj assembly constituency laga returning officer be samil ase.