November 9, 2023: November 9, 2023 deh K. Libhanthung Lotha IAS kun Kohima district karne Commissioner & Secretary aro E-Roll Observer ase, tai Kohima, DC laka Conference hall deh meeting ekta lui shae. Etu meeting tho Photo Electoral Roll laka ongoing Special Summary Revision laka mamla deh lui ase.
Meeting time deh, Observe, K. Libhanthung para etu meeting tho ongoing revision activities review kuri bo karne lua ase kui shae. Aro Electoral Roll deh nutun voters kn register kuri bole lakeh kui nah b meeting tho lua ase kui shae. Tai para political party representatives kan keh public majo deh awareness uthai d b aro taikan keh educate kuri b kui shae revision activities laka mamla deh. Libanthung para Electoral Roll deh eligible voters kan keh register kuri bo karne taikan keh motivate kuri b kui shae.
Kumar Ramnikant, IAS, Deputy Commissioner aro Kohima laka District Electoral Officer (DC & DEO), para Systematic Voters’ Education aro Electoral Participation (SVEEP) activities kiman zaruri ase, etu deh kotha kuri shae. Etu activities kan tho electors kan keh educate kuri bo karne ase kui shae nam kan Electoral Roll deh register kuri bo karne aro correction kan kuri bo karne. Tai para political parties kan keh taikan laka active participation aro cooperation request kuri shae etu educational activities deh.
Meeting lua time deh kun bah political parties kan itia b Polling station karne taikan laka Booth Level Agents (BLAs) appoint kura nai kui nah jani jai shae. Observer para sob recognized parties para BLA kan appoint kuri bo lakeh kui shae aro Polling Station deh station taki bo lakeh kui shae.
Meeting tho Assistant Election Officer (AEO) Kohima, Oliver Thurr, para chiar kuri shae. AEROs aro recognized political parties laka representatives kan etu meeting attend kuri shae.
Add Comment