November 20, 2024, 05:45 PM : Commissioner & Secretary, Law & Justice, Fisheries & Aquatic Resources aru Peren District laga Electoral Roll Observer – Y. Kikheto Sema para Peren District tey visit kurishey aru ekta meeting loishey, sob area administrative officer khan, Supervisor khan aru representative khan logotey, recognised political party khan laga, DC laga Conference Hall tey para, Peren laga, 20th November, 2024 tey, itya chuli thaka electoral roll summary revision opor tey discuss kuriboley.
Itu meeting laga homoi tey, Y. Kikheto Sema para clean electoral roll revision opor tey emphasize kurishey aru koishey ki, clean election toh hoiley paribo khali kitya moi khan clean electoral roll thakishey koiley, aru utu bhi itu Election Commission of India (ECI) laga icha asey. State kuri kena, itu toh hoiley sob stakeholder khan laga responsible asey, banaboley aru awareness spread kuriboley, clean election aru clean electoral roll laga, itu sob manu khan bhitor tey, tai para koishey, itu khan toh hoiley syllabus khan tey dhali diboley lagey, family prayer metting, Sunday school preaching aru elementary school education aru church khan tey.
Tai para tatey attend kuria manu khan ke request kurishey, coordination para aru maximum importance para kaam kuriboley karney koishey, itu summary revision exercise laga, aru tai para toh hoiley sensitisation activity khan bhi chulai jaishey, alag alag platform khan para, social media para.
Add Comment