Electric battery blast te 80-umer morishe aro 3 jun jokom

NIZAMABAD: Nizamabad district te an electric scooter laga battery toh charging kora samai exploded hoikena ghor malik 80-umer aro tai laga ghor manuh tin(3) jun jokom paishe, koikena police para khobor toh janaishe. Etu hatsa toh Wednesday (April 20) pujur te electric two-wheeler battery toh room te charging kora samai blast hoishe, etu samai tin(3) jun room pithor te thakai jokom paishe aro dosura ek jun para jui bondh kora samai tai logot be jokom paishe, koikena khobor para janaishe. Etu 80-umer manuh aro jokom howa manuh ke Nizamabad town hospital te admitted korishe, hoilebi etu pura manuh laga halat toh besi serious howa nemite Hyderabad hospital te loikena jaboli koishe. Tai toh hospital te loikena jowa samai rasta te morishe, koikena police para khobor toh aro janaishe. Mora manuh laga chokra para complaint kora hesab te, electric vehicle company logot case under Sections 304-A aro 337 IPC pithor te registered korishe.