July 13, 2024: Tesla aro SpaceX founder Elon Musk para ekta “sizeable” donation banai shae, former President Donald Trump laka presidential campaign deh. Elon Musk para ekta super political action committee, kun Donald Trump keh aro ekbar elect kuri bole kam kuri ase, taikan keh donate kuri shae, Bloomberg para report kuri shae.
Elon Musk, kun billionaire laka index isap deh, dunia laka sobse duni manu ase, tai para ekta low profile group keh contribute kuri nah ase. Etu group laka nam tho America PAC ase aro taikan, Donald Trump laka presidential campaign deh kam kureh. Donation laka exact amount undisclosed ase, hoile b kun bah manu kan para donation tho olop bishi ase kuia se. PAC kan July 15 deh, taikan laka donors list tho disclose kuri bole lakeh.
Tech mogul, kun laka hath deh $263 billion upor laka network ase, tai, agae deh politics laka bahar deh taki bo mun ase kui shae aro nijor keh political independent mati shae. Hoile b, Musk, aji khali hotai, taila X social media platform deh, post kuri takeh. Aro post kan tho right laka side deh takeh.
Add Comment