Mumbai,13 February : National Commission for Women (NCW) YouTuber Elvish Yadav ke summon korise actor aru Bigg Boss 18 contestant Chum Darang upor racist comments nimite. News18 laga report hesaap te, Elvish ke February 17 din present hobo nimite ulai loise.
NCW itu case te action lobo shuru korise jabole Elvish ta laga podcast te Chum laga naam aru ethnicity upor derogatory remarks korise. Tai Gangubai Kathiawadi te Chum laga casting upor bhi joke kori thakise, aru itu comments nimite social media te dangor outrage ulai dise.
PTI laga report hesaap te, Arunachal Pradesh State Commission for Women (APSCW) bhi itu “derogatory aru racist” remarks strongly condemn korise. APSCW chairperson Kenjum Pakam National Commission for Women ke ekta letter likhi koise ki itu remarks Chum aru Northeast laga sob women ke insult kore ase. Itu nimite strict action lobo karone appeal korise aru authorities ke law hisab te itu issue handle koribo nimite urge korise.
Add Comment