Emmys 2024: Shogun etu Award rati tey raaj kuri bole Expect kuri asey

Shogun toh Emmy laga best drama – etu toh Oscars laga small-screen barabaar tey sobse prestigious prize –  karne first ever non-English-language winner hobole expect kuri asey Sunday tey ekta glitzy (attractive) ceremony tey. Etu epic series 17th-century Japan laga complex aru deadly royal courts tey jhagara kuri thaka dynasties khan opor toh tai laga cast, veteran leading man Hiroyuki Sanada milai, karne wins (jeet) khan logotey history bana bole expect kuri asey, downtown Los Angeles tey etu gala tey. Shogun toh juldi shuru hoishey Creative Arts Emmys tey itu past weekend, technical aru chutu categories tey, kuntu toh etu gala laga agey di diye,  ekta record-breaking 14 wins achieve kurina. Sunday laga alak dangor winners khan toh “The Bear,” Chicago restaurant scene tey set kura dark comedy ekta kuntu ekta experimental second season karne return hoishey, aru Netflix laga controversial limited series Baby Reindeer bi include hobo pare.