Riga, 15 October : England aji Riga te qualifiers match te home team Latvia ke 5-0 harai kene 2026 FIFA World Cup karone nijor jagah confirm kurise. Captain Harry Kane duita goal marikene team ke lead dise aru dominant victory loise. Anthony Gordon 26th minute te first goal score kurise, aru etar piche Kane duita goal halftime age marise.
Latvia 58th minute te ekta own goal dise, aru substitute Eberechi Eze last te paanch number goal add kurikene match complete kurise. England etiya six match te six win logot Group K te top te ase, 18 point logot – Albania pora seven point age – aru duita match baki thaka bhi qualification secure kurise.
Baki match khan te, Serbia Andorra ke 3-1 harai dise, Italy Israel ke 3-0 harai dise, aru Spain Bulgaria ke 4-0 thrashed kurise. Portugal Hungary logot 2-2 draw kurise, juntu Dominik Szoboszlai laga late equaliser pora hoise.
Add Comment