England, 14 Febraury : England Cricket Board (ECB) para Wednesday para India laga khilaf third Test match karney playing eleven laga naam dishey kuntu Rajkot dey khilibo, kitia pacer Mark Wood para Shoaib Bashir ke playing squad dey podli kurishey. “Itu Three Lions para Shoaib Bashir ke Mark Wood replace kurina ekta podli kurishey,” ECB laga statement kuishey. Skipper Ben Stokes toh England karbey tai laga 100th Test match khilibo Saurashtra Cricket Association Stadium dey. “Captain Ben Stokes is toh Rajkot dey tai laga 100th Test appearance kuriboley taiyar asey,” itu halishey.
Itu series toh itia level 1-1 asey. Ekta 28-run loss piche dey, agey Hyderabad Test, India toh 106 runs logot second Test jitishey Visakhapatnam dey.
Second Test match ke recap kurina, Jasprit Bumrah aro Ravichandran Ashwin laga brilliant bowling spells para India ke ekta fighting England khilaf jitiwoley motut kurishey kitia taikhan para itu five-match series 1-1 level kurishey.
England para 3 din laga second session 194/6 logot shuru kurishey, kutey skipper Stokes para wicketkeeper-batter Ben Foakes ke join kurishey.
Foakes para Bumrah ke ekta boundary para England ke 46.1 overs dey 200-run mark pahunjiwoley motut kurishey.
Huilewi disaster para England ke marisheh taikhan ekta dangor partnership nalua agey dey. Wickets maju dey kunwa runs para skipper Stokes ke khali 11 runs karney ulaishey. Shreyas Iyer laga remarkable kosis para India ke England laga crisis man hatawoley motut kuria dikhi paishey, 220/7 tak girai dina.
Bumrah para final wicket luishey, Hartley ke khali 36 karney hatai dina. England toh 292 karney ulaishey aro 106 runs para harishey.
Itu third Test toh February 15 Rajkot dey shuru huwo kitia fourth Test toh Ranchi dey February 23 dey shuru huwo. Itu series laga fifth aro final Test toh Dharamsala dey March 7 para khilibo.
England’s Playing XI: Zak Crawley, Ben Duckett, Ollie Pope, Joe Root, Jonny Bairstow, Ben Stokes (C), Ben Foakes, Rehan Ahmed, Tom Hartley, Mark Wood, James Anderson.
Add Comment