Australia, 27 December : England, lagbhag 15 saal pora Australia laga maati te jeet napai thaka rukhi thakia tou end korise, Melbourne Cricket Ground te Boxing Day laga fourth Ashes Test te spirited jeet loise. England, chari wicket pora Australia ke haraise, aru Australia te 18-match laga winless streak bhi bhangi dise. Itu jeet pora host team laga series whitewash hope tu bhi khotom hoi jaise.
Josh Tongue first innings te five-wicket haul loina England laga attack lead korise, jun pora Australia 152 run te all-out hoi jaise. Second innings te Brydon Carse four wicket loi ase. Australia, duita innings te 152 aru 132 run te dismiss hoise, kutey sirf Travis Head 46 run aru Steve Smith 24 run loi notable score korise.
England first innings te struggle korise, matro 110 run bonai ase, kute Harry Brook 41 run loi top-scorer thakise. Second innings te 175 run chase koria time te, England early wicket fall howar pichete bhi situation handle korise. Jacob Bethell 40 run aru Zak Crawley 37 run bonai England ke jeet loi jai ase. Series etiya Sydney te move kori ase, kute 4 January te fifth aru final Test khelibo. Itu jeet pora England, itu Ashes campaign te nijor pride restore korise, kute taikhan Perth, Brisbane aru Adelaide te first tinita match hara pichete Australia urn retain kori thakise.
Add Comment