February 17, 2024: Ekta low frequency (VLF) communication transmission radar station laka proposed establishment kuto Indian Navy para kuri shae, etu proposal tho environmentalist laka hath para opposition pai ase. Proposed establishment tho Telagana laka Vikrabad district deh taka Damagudem forest deh ase kuto Hyderabad para 80km dur ase.
January 24 deh, Congress government para Damagudem deh taka forest laka 1,174 hectares (2901 acres) tho India Navy keh transfer kuri bo kui nah announce krui shae VLF station set up kuri bole.
State forest department officials kan para ekta memorandum of understanding (MoU) sign kuri shae Eastern naval Command laka officials kan lokot deh, chief minister A Revanth Reddy laka osor deh. Vikarabad district forest officer G Gyaneshwar aro ENC officials Commodore Karthik Shankar, Circle DEO Rohit Bhupathi aro Captain Sandeep Das kan present taki shae.
Chief minister laka office para aha official statement para Indian Navy kan Damagudem laka strategic location karne jaka tho choose kuri shae kui shae VLF station establish kuri bole. Jaka tho 250 feet sea level laka upor deh ase ships para aha signal kan keh duri bole.
Hoile b state government para mati tho bishi deri karne allocate kuri nah nai local environmentalist laka resistance karne, kun kan “Damagudem Forest Protection Committee” kui nah ekta association form kuri shae. Committee para 2018 deh ekta petition file kuri shae state high court deh. Taikan etu petition deh naval radar station laka establishment oppose kuri shae kile koile etu tho khali jaka laka green cover heh bia nakuri nah local flora fauna karne b threat cause kureh kui shae.
Add Comment