Epic season finale deh Haryana Steelers aro tree time champions Patna Pirates kili bole ase

December 29, 2024: Haryana Steelers kan Pro Kabaddi League (PKL) season 11 laka final jaka keh secure kuri bole loha laka nerves dikai shae, first semi-final deh UP Yoddhas laka against jiti nah. Taikan etu jiti nah three-time Champions Patna Pirates laka against final kili bole date ekta book kuri shae. Shivam Patare, Vinay aro Rahul Sethpal tho starring roles kili nah, Steelers kan ekta memorable 28-25 win uthai shae. Ekdum osor taka contest deh Steelers kan taikan laka calm tho maintain kuri shae, tackle karne jah time deh kun bah points hari nah b. Coach Manpreet Singh para taikan laka team lah philosophy explain kuri shae, post-match conference deh. “UP Yoddhas kan bonus points chini bole koshish kuri taki bo kui nah mukan jani taki shae. Taikan bonuses deh heh suku rakhi taki shae. Mukan laka last game deh b, taikan mukan laka hath para kun bah bonus points kan chini shae, bonus line keh cross kuri nah. Etu karne mukan ekta bounce karne jabo lakeh kui nah mukan laka defense kan jani taki shae, mukan kun bah tackle points hari leh b. Mukan raids bishi nadia tak tho mukan thik position deh heh taki shae, ekta PKL release laka isap deh. Rahul laka ekdum bhal defense positioning para Captain Jaideep laka hath para praise tani shae, press conference deh. “Rahul tho ekta ekdum bhal defender ase. Tai lokot deh ekdum Takara mona se aro tai tho mukan lah defense deh wall taki nah ahi ase. Tai etu tho dikai nah ahi ase. Aji tai thik time deh ekdum zaruri tackles banai shae. Mui taike aro praise kuri bo napareh,” jaideep para kui shae.