Munich, 2 May : Bayern Munich confirm korise ki English defender Eric Dier ei season khotom hobo te club pora jabo, jitu time te tai laga contract finish hobo.
31 saal laga Dier reportedly French team Monaco join koribo nimite agree korise, jikhon club tai ke Bayern pora besi long contract aru regular khelibo chance dibo.
Dier January 2024 te Tottenham pora Bayern join korise aru 45 match khelise. Kintu noutun coach Vincent Kompany laga under te tai surute besi chance nai paise, hoilebi recent te tai bhal performance dekhaise aru team karone kiman important ase itu prove korise.
Bayern Leipzig ke Saturday din haraile Bundesliga title jeeti jabo paribo.
Dier FIFA laga noutun Club World Cup (June 14 pora July 13, USA te) Bayern logot thakibo naki nai, etiya tak clear nai.
Add Comment