April 06, 2024 : SVEEP (Systematic Voter’s Education and Electoral Participation) laga part laga activity khan rakhi kena, Wokha district under tey, aru itu forthcoming General Election, Lok Sabha 2024 karney, itu laga view tey, essay aru slogan writing competition loishey, Libemo Memorial School tey, Wokha tey, 05th April, 2024 tey.
Itu Competition toh hoiley duita category under tey loishey, High School level aru Higher Secondary School level tey, tatey participation khan 35 students khan nishina thaki kena, itu essay tey, aru slogan writing competition tey.
Wokha laga SDO (C) aru Nodal Officer (SVEEP) – Nuhuta Tunyi para, itu student khan ke address kuri kena koishey, SVEEp activity khan toh hoiley conduct kurishey, educate kuriboley aru spread kuriboley voters khan ke, awareness aru promote kuriboley voters literacy toh. SVEEP toh hoiley ekta multi- invention programme bhi asey koishey, kuntu toh hoiley manu khan aru media khan logotey puchiboley kaam kurey, alag alag tarika khan para, citizen khan, electors aru voters khan ke educate kuriboley, itu electoral process opor tey, tai khan laga awareness laga level toh baraboley, aru tai khan ke inform kuri kena thaka participation promote kuriboley, itu election laga homoi tey. Tai para itu bhi inform kurishey ki, eneka nishina activity khan kotey itu school khan involve thaki kena thaka laga, Wokha town bhitor tey, itu toh hoiley aru bhi conduct kuriboley asey, juldi he. Tai para itu sob students khan ke bhi thanks janaishey, active para participate kuriboley, itu nishina event khan tey.
Add Comment