ADDIS ABABA: Ekta Ethiopian Airlines Boeing 737 passenger jet toh Nairobi te jowa samoy te Sunday te 149 passengers aro aathta crew members bukhikena crash hoise, etu airline pora koise,aro state laga khobor hisab pora kon bi pajiya nai.
Addis Ababa te etu flight toh 8.38 am local time te Bole airport charise aro olop minutes bicchete 8:44 am te control tower logote sambad koriya rukhise.
Flight ET 302 toh capital Addis Ababa laga osor town, Bishoftu laga osor te crash hoise, etu airline pora koise, etu milaikena koise ki etu plane toh Boeing 737-800 MAX thakise, registration number ET-AVJ.
Hoilebi etu model number toh nai aro konoba aviation websites pora olop thakikena etu plane toh notun 737 MAX 8 ase koikena jini paise, etu ekki model hi October te Indonesia te crash hoikena 189 jun morise.
“Search aro rescue operations toh juli ase aro moi khan pora manu pajiya laga khobor ekta bi powa nai nahoile aalag khan jokhom powa laga khobor powa nai,” etu airline pora khobor te koise.
Etu flight toh uriya bicchete vertical speed thik thakiya nai, flight tracking website Flightradar24 pora tai khan laga Twitter feed te koise.
Nairobi airport te, besi passengers khan gate te rukhi thakiya nai, tate airport authorities pora laga khobor ekko na paikena.
Ethiopian prime minister laga office pora mon bekha kotha toh plane crash te moriya laga ghor manu khan ke Twitter te lekhise.
State-owned Ethiopian Airlines toh continent te sobse besi flight thakiya carriers ase. tai khan pohoila koise ki jowa saal 10.6 million passengers ke bukhibole phabana korise.
Add Comment