Shillong, 17 October: United States of America para Shillong Archbishop, Most Rev Late Dominic Jala laga mortal ponjibo nemide Meghalaya toh ektum echa para rokhi ase. Etu opor deh Thurday din Archbishop House para khobor janaideya toh, “Formalities toh kothom hoise aro process toh joldi hobole nemide sob toh korise”.
Khobor janaideya toh, Shillong MP, Vincent H Pala aro tinta priests toh United States deh ase. Tai khan tati thaga toh sob laki thaga khan kuribole aro India deh body anna ke shaat debo nemide ase.
Khobor janaideya toh, tusara formalities toh kothom hoise aro gao ke toh bachai ase. Archbishop House laga Protem Chancellor, Father Jimmy Marngar koise, “Etiya nemide ami khan flights tickets pabo nemide olob dukh pai ase. Kelay koile San Francisco to Delhi laga flight ticket toh full howah nemide.
Father Jimmy Marngar koise, “Late Archbishop Dominic Jala laga mortal ponjibole opor deh manu khan monchinda hoi thaga opor deh ami buchi ase. Ami apuni ke guarantee de ase, ami khan Archbishop laga body toh joldi ponjobo nemide sob kaam kori ase”.
Tai aro koise, flight tickets powah opor deh ami khan para Archbishop laga mortal ponjibole laga direk aro samai toh kobole paribo.
Add Comment