Etu saal JE cases komti ase, Dibrugrah te 1 case thurishe

July 11, 2021. Assam, Dibrugarh te vector borne bemar toh tin(3) saal pithor te 6 bemari neshina toh disitrict National Vector Born Disease Control Programme (NVBDCP) para hoshari kora nemite komti hoishe. District te Japanese Encephalitis (JE) bemar toh kali ekta case aro acute encephalitic syndrome (AES) bemar toh 4 caes toh etu saal January 1 para aro 9 darik pithor te thurishe. Etu samai AES bemari para ek jun manuh mora khobor thakishe. Dibrugarh te olop saal akhe te Japanese Encephalitis (JE) aro Acute encephalitic syndrome (AES) bemar toh state te thakishe. Dibrugarh district te tui(2) saal akhe logot compare korile Japanese Encephalitis (JE) aro Acute encephalitic syndrome (AES) bemar toh besi komti hoishe. 2019 saal district te 33 JE cases aro 285 AES cases recorded hoikena ase, etu oper te othu saal te JE bemar para 11 jun morishe aro AES para 31 morishe koishe. 2020 saal te13 JE aro 29 AES cases komti hoishe aro jowa saal JE bemar para 2 aro AES bemar para 5 mora khobor ase. NVBDCP laga district consultant, Siddhartha Saikia para koishe ke, “etu saal Dibrugarh te health department para besi mon thikena kam kora nemite bemar toh komti ase. June, July aro August moina toh bemari otha moina ase,” koikena khobor toh janaishe. “itya dak 1 JE case aro 4 AES cases toh district te thurikena ase aro ami khan para besas ase ke etu saal sob melaikena cases toh komti thakibo,” tai koishe. “manuh pithor te hoshari, primary aro community health centres te facilities improve koribo aro district hospitals te bacha khan ke immunization deya ekla nahoikena manuh mora toh be checked kora nemite ase.” Health department para hotai samai regular awareness campaigns thakina ghor osor jaga te paani jama thaka sapa kori thaka nemite JE transmitting Culex mosquito toh komti hoi koishe. “itya dak te ami khan para2,452 ghor aro ghor te visit korikena hoshari neum janai ase. Ami khan para aro 25,217 medicated mosquito nets toh manuh logot thikena ase,” koikena etu khobor toh Saikia para aro janaishe.