Etu sal Jeevan rank othibole kosish koribo

Agencies, 2 October: Davis Cup de missed hoise koilebe etu sal Jeevan Nedunchezhiyan toh Grand Slams de top-60 rank pongjibole kosish koribole ase.  Etu sal Jeevan toh tai laga career de ektum phal pora para thakise. Jowah hapta Chengdu Open de, tai second ATP250 level final tak pongja thakise. Etu agae de tai Challenger circuit de seven finals bona thakise aro tinta title toh Winnetka, Ilkley aro Dallas de jeta thakise. Tai runner-up toh Nottingham, Savannah, Tallahassee, Lille de kothom howah thakise. Tai laga result enaga phal thaga bechidebe tai logode Davis Cup team de najuna thakise. Etu time de India 0-4 pora hara thakise. Captain Mahesh Bhupathi pora N Sriram Balaji logode juna thakise. Jeevan toh Davis Cup de najuna karni Chengdu Open final de ja ase. Etu time de tai aro tai laga partner toh Ivan Dodig aro Mate Pavic logode hara thakise. Jeevan toh ahha tui-hapta karni El Salvador’s Marcelo Arevalo logode khelibole ase.