Agencies, 12 August: Etu sal Noveber 15 te Paris Marathon lobole thaka toh coronavirus pandemic nemide cancel korise. Etu para etu sal Paris Marathon toh nalobo. Etu khobor toh Wednesday te janaideya laga ase. Marathon toh April 5 te lobole thaka city te COVID-19 chamela nemide November te lobole postpone kora thakise aro etiya etu toh cancel kori deshe.
Organisers para etu sal laga marathon toh hataidiya confirm korise aro etiya etu toh aha sal he lobole ase koise.
Organisers para statement deya te kon training nemide samai phelaishe etu khan toh ektum mondukh howa thakibo koise. Organisers para be tai khan toh Paris laga city logode melikena 2021 laga edition toh ektum phaal para lobo karni melikena kaam koribo koise.
Etu agae din te London marathon laga 2020 edition toh October 3 te lobo hoilebe etu toh elite race khan logode he lobo kowa thakise.
Etu sal laga Boston, Berlin, New York aro Chicago marathons toh coronavirus pandemic nemide cancel kora be kori kena ase.
Add Comment