EU para Armenia-Azerbaijan, ceasefire monjur

October 19, 2020. Armenia aro Azerbaijan para Nagorno-Karabakh te larai kori thaka te notun ceasefire thakiboli mana nemite European Union (EU) para welcomed korishe. Sunday din statement te koishe ke, EU’s high representative foreign affairs aro security policy Josep Borrell para koishe ke, Armenia aro Azerbaijan meliakena ceasefire toh welcome korishe aro etu French President Emmanuel Macron para kam kora nemite ase, tai logot aro dosura OSCE Minsk Group Co-Chairs khan be samil ase koikena Xinhua news agency para junai thishe.“hoilebi, larai toh aro jaiase, Nagorno- Karabakh chaka te larai kora aro khobor paiase, koikena statement para koishe. “etu nemite civilian khan besi dhuk hoiase. States aro respective societies pithor te besi beya hoiase, koikena Borrell para koishe. “EU para etu hamla aro  larai ola toh besi beya para botnam korishe”. EU official para koishe ke, tai khan Armenia aro Azerbaijan laga Foreign Ministers logot kotha koikena “ceasefire toh bahl para saman koribo lage”. Sunday din te Azerbaijan aro Armenia para ceasefire neum beya korishe, tai khan para jamila chaka te second time nemite larai kora toh rokiboli kowa beche thakishe. Russia, Azerbaijan aro Armenia khan tui(2) gonda neshina Moscow te kotha kora beche, desh te 1^st ceasefire toh October 11 darik te othaishe. September 27 darik te Azerbaijan aro Armenia pithor te notun larai olaishe, etu beche Nagorno-Karabakh chaka te besi larai korishe. Etu chamela chaka toh internationally Azerbaijan laga chaka ase, hoilebi, Republic of Artsakh, Armenian manuh khan besi wala hoikena  independent state toh tai khan para hokom kori ase koishe. Etu chaka te 2014, April 2016 aro etu moina July te larai besi tangor olaishe koishe. Armenia aro Azerbaijan pithor te 1988-94 saal samay ceasefire thakishe, hoilebi ketai be bhal monjur te pongchi-kena nai.