Paris: Tuesday Euro 2020 qualifying te low-ranked Kosovo, Andorra aro Lithuania khan laga khilaaf khiliya te England aro Portugal duita pora panchta panchta goals dise aro France pora teenta ekla dise. Captain Ronaldo, pora tai laga 160th international game te, jarta goal di kena Portugal khan ke 5-1 pora Lithuania ke Vilnius te harai dsie aro Group B te tai khan laga jaga bonai ase.
Ronaldo karne etu toh tai laga teenta International te second hat-trick ase. world rankings te 130th dhakiya Lithuania khan ke chitiya pora Group B laga top te Portugal khan five points pora Ukraine laga biche te ase.
“Moi khan phal wala dhakise aro etu karne moi khan chitise,” Fernando Santos Portugal coach pora koise. ” Serbia te chitiya biche te moi khan pora speed toha rakhise, nahoile toh etu kamiyab pora eku nahobole dhakise, aro moi khan oshor te ase.”
Ronaldo laga pohila goal toh penalty dhakise. Second te, ghonta biche te penalty area laga bahar pora mari kena khushaise. Third wala toh ektam oshor pora khushaise. Fourth wala toh corner niche pahale dise.
Serbia pora Luxembourg ke 3-1 pora harai dise, Aleksandar Mitrovic pora dui bar di kena third place te jaise. Tai khan Portugal laga biche te ase.
Add Comment