Euro 2024: Giorgia, ekta major competition deh taikan laka first point jiti shae

June 22, 2024: Match laka final move para decide kuri bo taki shae, open play karne ekta chance bana bole. Georgia kan counter deh jai taki shae  aro ekta defender karne teentha players kan jai taki shae. Ball keh bishi deri karne kitai taka tho, Georgia kan jiti bo nishi nah taki shae. Hoile b etu tho taka nai, kile koile Saba Lobjanidze para ball tho bar upor deh kick mari di shae aro etu kick tho match laka last kick taki shae. Tuita teams kan ekdum gorom seh kila tho notha yellow cards kan dika bo di shae. Czech Republic, taikan laka opener deh, Portugal para hari di shae 2-1 score deh. Alak side deh Georgia, kun Euro 2024 deh sobse lowest ranked team ase, taikan keh b Turkey para harai di shae 3-1 score deh. Tuita team karne b etu win tho dangor taki shae, Round of 16 deh jaka secure kuri bole. Hoile b match tho 1-1 deh kotom hui shae. Czech kan goal laka agae deh wasteful taki shae aro Georgia kan, taikan laka first ever point jiti shae, ekta major competition deh. Georgia kan khali ekta shot heh target deh taki shae aro Czech Republic lokot deh 12 taki shae. Hoile b etu tho taikan karne ekta memorable game taki shae, Lobjanidze para miss kuri shae koile b.