Euro 2024: Italy para Albania keh harai di shae 2-1 score deh

June 16, 2024: Italy kan laka against Albania kan ekta European Championship deh sobse fast gol mari shae hoile b etu hui nah b, Italy kan recover kuri nah Albania keh 2-1 score deh harai di shae Saturday din deh. Italy laka side deh Alessandro Bastoni aro Nicolo Barella para defending champions keh ekta winning start di shae. Alabania laka Nedim Bajrami para 23 seconds piche deh goal mara tho lal shirt laka Albania fans kan Dortmund BVB Stadion keh hilai di shae. Etu goal tho taikan defender Federico Dimarco laka ekta bia throw-in para capitalize kura ase. Puila laka record tho Russia laka Dmitri Kirichenko para duri nah taki shae, kun 67 seconds piche deh Greece laka against score kuri shae, 2204 deh. Enaka hoile b, Italy kan taikan laka nerve rakhi bo pari shae aro 11^th minute deh equalize kuri di shae. 11^th minute deh Bastoni para goal mari shae. Davide Frattesi para 34^th minute deh olop para Italy laka lead tho extend kuri bole para nai, hoile b goalkeeper Thomas Strakosha para post deh dakai di shae ball tho. Spalletti para taila players keh praise kuri shae, early setback para taikan keh upsos nakuri dia karne. “Taikan sob duk tho share kura karne taikan bhal taki shae aro taikan thik kam tho kuri shae. Taikan kun b taikan kan laka hath upor deh dala nai,” tai para kui shae.