December 3, 2023: Saturday din deh draw kura piche deh host Germany tho Scotland kan lokot kili bole ase Euro 2024 laka opening match deh. Eu opening match tho Munich deh kili bole ase. Defending Champions Italy tho Spain lokot eki group deh ase.
Germans kan kun three-times winner ase, taikan June 14 Munich deh one-month tournament tho kick off kuri bole ase. Etu tournament laka final tho July 14 deh hobo Berlin laka Olympic Stadium deh.
Germany kan Hungary lokot deh b kile bole ase kun qualifying campaign deh ekbar b nahari nah ai shae. “Etu tho group of death nahoi hoile b kara group ase ar mukan kile bole rukhi ase,” Germany laka manager Julian Nagalesmann para kui shae.
Host kan para Nagelsmann keh manger appoint kuri shae September din deh Hansi Flick lokot char chari kuri nah. Hansi Flick manager taka time deh taikan Japan laka against 1-4 hari shae nijor laka home deh. Etu loss tho taikan laka pastha game deh fourth loss taki shae.
Add Comment