London, 14 November : Cardiff June 9 te Euro 2028 (European Championship) laga opening match host kuribo, aru final July 9 te London laga Wembley Stadium te hobo, itu UEFA Wednesday din announce kurise.
Iti tournament England, Scotland, Wales aru Ireland milaikena co-host kuribo. Total 51ta match 24 desh logot hobo, aru itu sob match 8 city te thaka 9 venue te kheli jabo — Birmingham, Dublin, Glasgow, Liverpool, Manchester aru Newcastle bhi include ase.
Semifinal aru ekta quarterfinal Wembley Stadium te hobo. Baki last-eight (quarterfinal) match Dublin, Glasgow aru Cardiff te khelijabo.
Round of 16 laga match sob host venue te divide kuri dibo, kintu Wembley laga exception te. Jodi host desh khan direct qualify kuri jabo, taikan laga group-stage laga match sob nijor country laga ground te hobo.
Add Comment