Rennes (France): Thursday din te Chelsea aro Napoli toh Europa League quarterfinals te pungchibole ek kadam osor hoishe. Hoile bhi Arsenal toh last eight te pungchibole laga kosis te kamiyab (successful) huwa nai. Arsenal toh Rennes khilaf te 1-3 para harishe.
Alex Iwobi para Gunners ke match te perfect start dishe. Arsenal toh raucous Roazhon Park te north-western France te khelishe. Hoile bhi match half-time hubole khali char minute he bachi kena thaka samay te Arsenal defender Sokratis Papastathopoulos ke match para bahar kuri dishe.
Olop smaay pichete Benjamin Bourigeaud toh Rennes nimite match toh leel kuri dishe. Etu pichete Nacho Monreal para Rennes nimite own goal de kena tai khan ke Arsenal khilaf te ek kadam agay kuir dishe. Etu pichete Ismaila Sarr laga late goal para tai khan ke Arsenal khilaf te duita goal para lead dishe.
Etiya aha Thursday din te Unai Emery laga side toh Rennes ke second leg te London te kheli bole ase.
Add Comment