Antwerp: Antwerp te Wednesday European Open te Stan Wawrinka ektam mehnat kuri kena Feliciano Lopez ke 6-7(4), 6-4, 7-6(4) pora harai di kena European Open laga quarter-finals bonjise.
34 umar Wawrinka, dui sal ake Geneva te title chitiya biche te tai laga pohila ATP trophy ke sai kena, 17 aces serve kurise- Lopez pora ekta komti – aro four break-point moka pora ekta loi kena match chitise.
World number 18 laga next match toh unseeded Gilles Simon, tai laga French compatriot Jo-Wilfried Tsonga ke 6-4, 7-5 pora harai diya manu logot khilibole ase.
Wawrinka pora sat bar log kuriya te Simon ke jar bar harai di kena ase hoile bhi Shanghai 2016 te log kuriya somoy te Frenchman pora straight sets te harai dise.
Argentina laga Guido Pella pora Ugo Humbert nahoile second seed David Goffin logot te log kuribole karne South Korea’s Kwon Soon-woo ke 7-5, 7-5 pora harai diya biche te last eight te pair ke join kurise.
Pohila round te, Pablo Cuevas pora Hugo Dellien ke 6-4 6-3 pora oharai dise aro etya next te Briton Andy Murray logot te khilibole ase. American Frances Tiafoe pora bhi Germany laga Yannick Maden ke 7-6(7), 6-3 pora harai dise.
Add Comment