Everton, 18 February : Everton laga nava stadium, Bramley-Moore Dock te, test event laga kaam te 10,000 fans khan ahise, juntu under-18 friendly match thakise Wigan Athletic laga against. Itu Premier League club, idu season khotom hoa piche Goodison Park pora bidai lubole tayyari kuri thakise.
British media report hisab te, nava 52,888-seater arena laga construction kuribo te 4 saal laga time aru mota-moti 800 million pounds ($1.01 billion) laga khorcha hoise. Itu stadium upcoming Euro 2028 laga matches host kuribo bhi thakise.
Wigan laga Harrison Rimmer, Everton Stadium te 12th minute te prothom goal marise. Everton itu match 2-1 harise, juntu match te Ray Robert Everton laga taraf pora ekta goal marise.
Goodison Park, juntu 1892 pora Everton laga home thakise, itu Wednesday din last derby match host kurise, juntu match te David Moyes laga team leaders Liverpool ke 2-2 draw te rokhibole parise. Goodison Park laga last competitive game May 18 te hobo, jabole Everton Southampton ke host kuribo.
Itu piche, stadium to demolish kuri dibi aru itu jagah te mixed-use development hobo, juntu te housing aru office thakibo.
Add Comment