Ex-Assam Congress president TMC party samil

GUWAHATI: Sunday din former Assam Congress president aro Rajya Sabha MP Ripun Bora para party logot tai laga resignation junai-deya beche Trinamool Congress joined hoishe, koikena khobor para janaishe. Kolkata te Ripun Bora para senior TMC leader Abhishek Banerjee laga osor te TMC joined korishe. “Shri @ripunbora, Former Minister of Panchayat & Rural Development, Minister of Education in Assam, former Rajya Sabha MP & former President of Assam Pradesh Congress committee, ke kushi para welcome kori ase. Tai aji,  Shri abhishekaitc osor te ami khan logot joined korishe,” koikena TMC para junaishe. Etu din te Ripun Bora para AICC president Sonia Gandhi logot tai laga resignation letter putaikena thakishe. Tai laga resignation letter te, Bora para koishe ke, Congress party leaders khan toh nejor bapana hesab te ek jun-ek jun larai kori ase. “olop saal para BJP neshina, communal symbol aro forces toh desh te othi-ase aro etu toh democracy, constitution, secularism aro economy nemite besi beya ase koishe. Tai para aro koishe ke, Assam PCC senior-most leaders pithor te larai kora nemite manuhu khan Congress logot besas nai aro etu nemite party khan government bonabo napareh.  Bora para aro Rajya Sabha polls te kamyaab napowa nemite APCC leader ke putnam korishe. “besi mon dukh kotha ase ke, ami laga konuba party leaders laga kam nemite  Rajya Sabha seats tuita(2) te BJP kamyaab paishe,” koikena Ripun Bora para aro janaishe. “ami etu kotha koboli besi mon pekaishe ke, Assam toh open secret te BJP logot larai kora nahoikena, Assam PCC pithor te senior-most leaders khan toh  BJP government aro  Chief Minister logot melikena bohi ase,” tai aro janaishe.