Ex-Bangladesh cricket captain laka ghor keh julai di shae

August 6, 2024: Report isap deh, country deh violence aro chaos taka time deh, Former Bangladesh cricket captain Mashrafe Bin Mortaza laka ghor keh julai di shae. Etu tho Prime Minister Sheikh Hasina laka resignation hua piche deh hui shae, Monday din deh. Mashrafe Mortaza, kun Parliament laka ekta member ase, Narail-2 constituency para, tai para second consecutive time karne taila seat secure kuri shae, Awami League laka candidate taki nah. Bangladesh media para report deh, vandals kan Mashrafe Mortaza laka ghor keh hamla kuri nah julai di she kui shae, Sheikh Hasina, country keh chari dia piche deh. Taila cricketing career time deh, Mashrafe Mortaza para Bangladesh keh lead kuri shae, 117 matches deh. Etu tho taila country karne sobse bishi ase. Tai para 390 international wickets lui shae aro 2,955 runs score kuri shae, 36 Test, 220 ODIs aro 54 T20Is deh. Cricket para retire kura piche deh, Mashrafe Mortaza, Sheikh Hasina laka Awami League keh join kuri nah politics deh gusi jai shae, 2918 deh. Tai keh Narail-2 constituency para MP elect krui shae. Bangladesh leading dail ‘Dhaka tribune’ para protestors kan District Awami League office keh b julai di shae kui shae aro taikan laka president, Subash Chandra Bose laka ghor keh b vandalize kuri shae kui shae.