Ex Rolls-Royce Head Designer, $3 Million Germany Mansion dey hatya kuri dishey

New Delhi, 16 July : Ian Cameron, former Rolls-Royce head designer aro vintage car expert, Germany dey $3 million mansion dey hatya kuri dishey, ekta mota para chori kuriboley kosis kuri thakia homoi chaku mari dia piche dey. Itu 74-saal British national toh itu ghatna homoi tai laga maiki Verena Kloos logot Germany laha Herrsching dey, Lake Ammersee dey thaki thakishey. Ms Kloos toh ekta wall scale kurina tai laga neighbour laga ghor dey land kurina itu haamla pachishey, kutey para tai cops ke khobor dishey. Ian Cameron laga ghor laga garage dey power cables, kutey valuables rakhina thakishey, purposefully cut off kurina thakishey, CCTV evidence hisab dey. Ian Cameron toh Ghost, Phantom, aro 3 Series nishna iconic Rolls-Royce gaari kuan ke design kuria dey ekta “significant” role thakishey. Ian Cameron para Rolls-Royce design team ke lead kuriboley role kuishey, BMW para 1998 dey Rolls-Royce laga automotive business lua piche dey. Itu shaaks laga height toh 180 aro 190 cm (5 ft 9 in to 6 ft 2 in) maju thakia estimate kurishey. Tai light-colored pants, ekta dark-blue sweatshirt, yellow-green gloves, aro ekta red backpack lagai asey, police officials laga description hisab dey. Itu shaaks ke dhuriboley ekta manhunt launch kurina asey.