Ex-Wrestler, Arjuna Awardee ke Rs. 700 Crore Drug Racket nimite dhurishe

MOHALI: 

Poila laga international wrestler aro Arjuna awardee Jagdish Bhola ke Rs. 700 crore drugs racket nimite CBI court para Mohali te tai ke doshi dishe. Punjab Police para Jagdish Bhola ke 2013 te dhurishe.

Bhola toh Punjab laga Deputy Superintendent of Police (DSP) hesab te bhi kaam kurishe. Hoile bhi 2012 te drugs racket logote link thaka janija nimite tai ke service para dismiss kuri dishe.

Punjab Police para Bhola ke November 2013 te arrest kurishe. Etu toh Bhola Rs. 700-crore drugs racket te meli kena thaka nimite hoishe.

Police para Bhola ke dhuri luwa pichete action drug mafia khilaf te luwa nimite Rs. 6,000-crore drugs racket toh dhuribole parishe.

Bhola aro dusra 49 doshi (accused0 khan toh Central Bureau of Investigation (CBI) court te case verdict nimite anishe. Aro tai khan majote bishi ke police para jail te dishe.

Bhola toh etu drug network laga asol leader toh thakishe. Tai para he medicinal kaam nimite thaka chemicals toh tai laga saathi khan ke ghurai (divert) kuri kena pothai de thake. Etu toh Himachal Pradesh laga illegal factories te pothai thakishe. Etu factories toh drugs toh ice genika banai kena international market Europe, Canada aro United States te pothai thakishe.