F.P Solo Para Itu 5th Edition Grace Kurishey, Snail & Trout Festival Laga, Poilwa Village Laga, Peren Tey

April 26, 2024 : Itu annual Snail & Trout festival laga 5^th edition, Poilwa village toh hoiley shuru hoishey, 26^th April, 2024 tey, RTD Principal Secretary logotey, itu Nagaland laga Government laga F.P. Solo tatey Special Guest thaki kena. Itu festival toh hoiley, MT. Rhododendron Adventure Club Poilwa village (MRACP) laga aegis under tey loishey. Itu inaugural function ke grace kuri kena, tatey special guest buhi kena, Solo para itu MT. Rhododendron Adventure club kea laud kurishey, tai ke bhi mata nimitey, eneka nishina joyful occasion tey. Tai para koishey, ki, snail aru trout festival toh hoiley ekta traditional nahoilebi normal festival nahobo parey, hoilebi itu tohh oiley bhal asey organise kuria toh, judi bhi non-traditional festival hoilebi. Snails & trout toh hoiley moi khan laga popular traditional khawa saman asey. Itu khan toh hoiley popular nahobo parey, jawan chukra chukri khan kun toh hoiley town aru city khan tey tahki thakey, hoilebi itu toh hoiley ekta ekta special delicacy asey, dangor manu khan nimitey. Tai para aru bhi koishey ki, Zeliang khan toh alag asey bishi kisim para, aru identify kuriboley aasan asey, tai khan laga uniqueness thaka para aru itu jama kuria manu khan ke encourage kurishey, moi khan laga identity toh preserve kuriboley, aru itu identity toh proclaim kuriboley, proud para itu duniya tey.