Paris, 30 July : Formula 1 CEO Stefano Domenicali 2026 season laga regulations aru future direction loi utha criticism khan reply kori dise. Modern Formula 1 te fans khan sabse beshi exciting racing, overtaking aru close competition bisari ase. Tai hisab te, race entertaining thakile engine type ba technical details tu ordinary fans babe etia bishi important nohoi. Domenicali laga statement para social media te mixed reaction uthise. Kunba fans tai laga kotha support kori, F1 entertainment sport kuina koi ase. Kintu purana F1 supporters aru technical experts khan koishey, Formula 1 identity tu advanced engineering aru innovation para ahise, etu ignore koribo napare. Meanwhile, teams khan Hungary Grand Prix laga preparations continue kori ase, juntu next race weekend te hobo. Drivers aru constructors championship tu etia bishi competitive ase, aru second half of the season te title race aro interesting hobo buli expect kori ase.
August 1, 2026
World's First and Only Nagamese Newspaper
