Factory te jui thakla nemite tui jun ke sajaa thishe

Karachi: September 22, 2020.  2012 saal samay, Pakistan garment factory te jui olaikena 260 manuh mora nemite, Tuesday din tui(2) jun manuh ke hokom hesab te morai thishe. Mohammad Zubair aro Abdul Rehman logot Karachi court para tai jun ke kolti thurishe. Tai jun para jane-janekena Ali Enterprises factory te jui lakai thishe. Court para sign thikai kena, tai jun ke 264 wala sajaa thishe aro etu oper te jevaan pur jail te thakibole be ase koishe. “ami court laga fesla oper te kushi paishe” koikena public prosecutor Sajid Mehboob Shiekh para AFP logot janai thishe. Zubair aro Reham toh olop saal agae te Muttahida Qaumi Movement (MQM) logot thakishe. Etu party para besi saal Karachi hokom korishe. Etu party para tai khan dushman logot hamla korikena moraishe, business ke looti thakishe aro desh te kam besi beya kori thakishe, holebi 2013 saal te security forces khan para operation te hatai thishe. Court para case te MQM provincial lawmaker aro tin jun manuh ke kolti natha nemite jari thishe. Rehman para jui lakai deya beche Pakistan para bolaishe, hoilebi tai ke Bangkok’s red-light district te Thai authorities para thurishe. Pakistan te etu jui toh industrial pithor te sobse beya kisa ase koishe. Judicial para saikena koishe ke, emergency samay bahar te olaboli chaka nai, kam kora manuh nemite hosari training nai aro government inspectors khan besi komjuri ase. Etu jui ola toh first te accident ase bhapise. Factory para saman bona toh  German company KIK nemite bonai thakishe, etu nemite company para kaun manuh khan morishe, tai khan ghor manuh logot $2 million compensation thishe koishe.