Famous Bollywood actor Dilip Kumar

ENTERTAINMENT | September 5, 2018: Famous Bollywood actor Dilip Kumar ke ekta hospital te admit kurishe chest te infection thaka nimete .Tai ke Mumabi laga Lilavati hospital te admit kurikena ase.Tai laga official twitter account te jaikena koishe Dilip Kumar chest te infection thakina gao thik nalaga nimete admit kurishe .Etia tai thik hoi ase.Etu tweet te koishe “Saab toh Mumbai’s Lilavati Hospital te admit kurikena ase tai chest te infection thakikena dukh paa nimete ,tai ke  sai ase prathana kuri dibi.Dilip 1998 pora hindi film nakura hoi jaishe tai last ola toh Hindi film Qila te thakishe .Etu pichede tai eman olanai gao thik nathaka karne .Peshwar te jonom hoishe .Dilip ke  Hindi films laga ‘Tragedy King’ laga naam pora bi janaa ase aro India cinema laga pohila superstar ase.Tai ke jaana toh tai laga film Naya Daur, Mughal-E-Azam, Devdas, Andaz, Vidhaata, Shakti, Karma, aro dusra film khan pora jaana ase.Tai ke India laga sorkar pora 2015 te Padma Vibhshan laga award dishe tai Indian cinema te bhal kaam kura nimete.