Nagaland

Farewell Program Loishey, Bahar Jai Jaboley Laga Officer Khan Nimitey, Phek District Laga

11 months ago

April 23, 2025, 07:28 PM: Phek District Administration para farewell program organize kurishey, bahar jai jaboley thaka Phek laga Deputy Commissioner – John Tsulise Sangtam, Additional Deputy Commissioner, Roupfukuotuo Noudi aru EAC, Kum Nengpichong Singsit ke honour kuriboley karney, kuntu toh hoiley DC laga Conference Hall tey para loishey, Phek laga, 22nd April, 2025 tey.

Tai laga farewell speech tey, itu bahara jai jaboley laga DC – john Tsulise Sangtam para tai laga appreciation express kurishey, tai laga subordinate administrative officer khan ke, Phek district under tey, SP aru tai laga DEF team Phek, 5th NAP Phek, Officer khan aru staff khan ke, alag alag department khan laga, tai khan sincere para tai khan ke assign kuria laga kaam khan bhal para kuria nimitey, tai Phek laga DC hisap thaka homoi tey, particular para Lok Sabha aru Municipal Election tey.

Itu bahar jai jaboley thaka ADC, Ruopfukuotuo aru EAC, Nengpichong NCS para bhi tai khan laga farewell speech deliver kurishey, itu program laga homoi tey.

District Planning & Development Board laga behalf tey kotha kuri kena, Phek laga SP – Dr. Pritpal Kaur Batra, IPS para koishey itu bahar jai jaboley thaka DC Phek, John Tsulise Sangtam toh hoiley bishi ekta experience thaka aru ekta enthusiastic thaka bhal manu asey, koi kena koishey tai para, aru koishey itu para district officer khan ke enable kurishey, DPDB member hisap tey, tai khan laga assign kuri kena thaka kaam khan successful para kuribo pariboley, tai laga leadership under tey.

ADC Pfutsero, Mhalo Humtsoe atu ADC Chozuba, Dr. Diana Patton para bhi speech khan deliver kurishey, itu district laga the Administrative Officer khan laga behalf tey.

CPO President, Vezuhu Keyho aru President, Chakheshang Mother’s Association, Zhonelu Tunyi para speech khan deliver kurishey, Chakheshang Public laga behalf tey.

District Head DB, Melusayi Rhakho para, DC laga staff laga behalf tey kotha kurishey. St. Mary Chut Lozaphuhu laga Rev Fr. Sivi George, Parish Priest para invocation offer kurishey, aru Er. Mechietsho Koza, EAC Phek para itu program ke chair kurishey.