New Delhi, June 21 : Lakshya tu ekta special Indian Army film asey kuntu ke Farhan Akhtar para direct kurisey aro kuntu te dusra actor khan majotey Preity Zinta bi thakisey. Etu film tu box office te bhabna kora nisna bisi dangor success huwanai. Hoilebi release huwa homoi para etu film tu bisi morom paisey. Excel Entertainment laga Farhan Akhtar aro Ritesh Sidhwani para taikhan laga film Lakshya release huwa 20 years manaikina Pinkvilla laga exclusive Materclass attend kurisey. Etu homoitey, taikhan duijun para nutun Indian Army film laga bari te khulasa kurisey kuntu ke taikhan para produce kuribole asey. Aro etu laga announcement tu kuribole baki asey.
Jitya Pinkvilla Masterclass te Farhan Akhtar ke tai para Indian Army laga film aro banabo na nai huda homoitey, Farah Akhtar para josh dikhaikina Excel Entertainment para produce kuribole thaka nutun Indian Army film laga bari te kotha kurisey. Etu laga announcement tu joldi hi kuribole asey. Tai para koisey, “Amikhan tu ekey logotey enaka ekta film anibole laga process te asey. Ami para bhabi asey ki bisi khata homoi picheyte, nohoilebi ek-dui hapta picheyte, amikhan para etu film laga bari te announcement kuribo. Hoilebi wapas jaikina utu ekey homoi ke mentally(dimak para) aro emotionally wapas visit kuribole bisi bhal lagi asey.”
Add Comment