Agencies, 08 April: Bollywood actor Farhan Akhtar toh Marvel film te dekhibole ase. Actor para international project toh Marvel Studios te paise. IANS para khobor hisab te, actor para Bangkok te project nemite shooting suru korise. Hoilebe Marvel malik, Disney para official confirmation thaka nai. Farhan toh etiya Bangkok te International cast aro crew logote project laga shoot nemite ase, Marvel Studios logote. Etu Studios toh duniya te ekta sobse dangor film studios ase.
Hoilebe source para project opor te khobor toh deya nai.
Bollywood te, Farhan toh tai laga upcoming sports drama Toofan olabole nemite agae shai ase. Actor toh film te boxer laga role kora thakibo. Rakeysh Omprakash Mehra para direct kora film te Mrunal Thakur, Paresh Rawal, Supriya Pathak Kapur aro Hussain Dalal be ase. Tai toh poila 2003 sal te film “Bhaag Milkha Bhaag” nemite mela thakise.
Poila Farhan para ahibole film Toofan te boxer laga role nemite training kora te dukh pai thaka janaideya thakise. Tai para Instagram te noksha post kora te tai sport practise kori thaka dekhise. Tai para film laga daiyari sessions para tai besi discipline howa nemite dhanyabad janaideya thakise.
Add Comment