New Delhi, July 31 : Farida Jalal tu commercial aro arthouse cinema duita te bi tailaga kaam nimitey jana jai. Etu veteran(poila jamana para chulikina aha) actor para bisi Bollywood actor jaiseki Shah Rukh Khan, Salman Khan, Govinda, Akshay Kumar aro Sunny Deol laga ama laga role kurisey. Times of India logotey kora ekta interview te, tai para taikey khali ama aro grandmother laga role hey offer kora te monduk jataisey. Aro taikey enaka lagey ki Hindi Cinema te mota actor jaiseki Anupam Kher aro Amrish Puri logotey baba aro grandfather laga role laga alava bi alag alag character play kuribole laga moka paisey.
Farida para mushkil role kuribole laga tailaga iccha laga bari te kotha kuwa homoitey enaka koisey, “Ami ekta challenging(mushkil) role kuribole rukhi asey kotey ami para amilaga alag alag role kuribole pariya laga khubi dikhabole paribo. Ami ke enaka lagey, chalo aro ekta ama laga role anisey, ami nimitey aro ekta dadi laga role anisey. Enaka hey hoithakey. Ami mondukh asey ki film makers khan enaka bhabey ki ami etu para agey eku kuribo naparey. Ami kiba ekta bhal kuribole mon asey. Dusra mota actor khan eman kuribole paisey. Late Amrish Puri para loikina Anupam Kher tak, taikhan villain aro comedian laga role bi play kurisey. Taikhan ke screen te khali baba nohoilebi grandfather laga role ekla kuribole bi thakanai. Hoilebi monduk laga kotha tu amikey khali ekta spot ekla disey.”
Farida para bisi movie te Shah Rukh Khan logotey screen share kurisey. Kuntu te Dilwale Dulhaniya Le Jayenge(1995), Duplicate(1998), Kuch Kuch Hota Hai(1998) aro Kabhi Khushi Kabhie Gham(2001) shamil asey.
Add Comment