Faridabad te ekta baba para tai laka bacha ke morai de she, 1-50 lekhe bole naparea karne

Gurugram, January 24, 2026: Faridabad te thakea 31 sal baba ke arrest kure de she koi she, tai tai laga char sal maiki bacha ke mare kena morai dea karne, roti round kurea laga saman para. Bacha toh number 1 para 50 lekhe bole naparea karne baba toh bacha ke mare she koi she.  Bacha laga ama para police station te complain kurea dea piche, police khan para jai kena baba ke arrest kure de she. Bacha laga ama para koi she ki, tai laga mota Krishna Jaiswal para tai jun laga bacha ke mare she, Jhadsaentli bosti laga ekta rent ghor te, January 21 te. Interrogation kurea piche, police khan jane bole pare she ki, maiki laga baba aro ama toh duat be private company te kam kurea. Maiki toh din laga shift loi, aro mota toh rati laga shift te kam kurea koi she. Polcie khan para koi she ki, tai jun ke seven sal mota bacha aro dua sal bacha maiki be ase koi she. Jaiswal toh bacha khan ke din te sai aro kagos khan sekhai koi she.