Agencies, 01 December: Tuesday te Centre para protest kori thaka farmers logode meeting lowa samai notun agricultural laws opor te kotha koribole nemide ekta committee bonabole plan korise. News agency ANI khobor hisaab te, government para farmers ke committee laga part hobo nemide tai khan laga organization para four to five leaders laga naam debole koise aro etu committee te government para representative be thakibo koise.
Government para etu plan toh Vigyan Bhawan, Delhi te 32 farmer’s unions laga leaders logode ekta meeting lowa samai te ase. Meeting te be farmers ‘ leaders ke Minimum Support Price (MSP) aro Agricultural Produce Market Committee (APMC) Act opor te detailed presentation deya thakise. Union agriculture minister Narendra Singh Tomar, railways minister Piyush Goyal aro minister of state for commerce Som Parkash toh government para representing ase.
Punjab aro Haryana para thousands farmers toh tinta farm laws Parliament para September te passed kora opor te protest kori ase. Protest kori thaka farmers para farm laws withdraw koribole demand kori thaka toh- The Farmers Produce Trade and Commerce (Promotion and Facilitation) Act, 2020, The Farmers (Empowerment and Protection) Agreement on Price Assurance and Farm Service Act, 2020, aro The Essential Commodities (Amendment) Act, 2020 ase. Tai khan toh pura Mandi system beya hobole bhoi ase. Tai khan toh pithor nahoile pahar agricultural markets te MSP pabo lakae koikena demand kori ase.
Add Comment